“A xestión das augas deixou de ser un problema ambiental para ser un problema hixiénico-sanitario e económico”

“A xestión das augas deixou de ser un problema ambiental para ser un problema hixiénico-sanitario e económico”

“A xestión das augas deixou de ser un problema ambiental para ser un problema hixiénico-sanitario e económico”

A secretaria xeral de Podemos Galicia e membro da comisión de pesca no parlamento galego, Carmen Santos sinalou onte que “a xestión das augas deixou de ser un problema ambiental para ser un problema hixiénico-sanitario e económico”. Santos fixo estas afirmacións nas xornadas que sobre vertidos, depuradoras e microalgas celebrouse onte en Tenerife organizadas por Podemos Canarias e o equipo de Podemos no parlamento europeo. Na delegación galega tamén estaban biólogos, mariscadores e representates de colectivos como Plademar. Nas xornadas, púxose de manifesto que “a maioría das depuradoras de augas están obsoletas, e as que non o están non son eficientes desde o punto de vista enerxético”, como sinalou o portavoz de Plademar, Pablo Silva, que tamén sostivo que “Ás administracións responsables das devanditas plantas de depuración, por norma xeral, élles máis barato incumprir a normativa non facendo funcionar a pleno rendemento as mesmas e pagar sancións que pagar a factura eléctrica de facer funcionar as depuradoras”.

O tamén membro de Plademar e do Consello Cidadán galego de Podemos, Angel Gey, indicou pola súa banda que “Se produce un dano ambiental, que afecta os ecosistemas e por tanto aos sectores produtivos do mar como a pesca e o marisqueo”. O que segundo Gey “fai desaparecer especies no peor dos casos ou as diminucións en número e talla”. Pola súa banda, o secretario de mar de Podemos Galicia e membro da confradía da ría de Muros-Noia, Rogelio Santos, sinalou que ” O número de individuos das especies mariñas reduceuse drasticamente nos últimos 40 anos, desaparecendo moitas e poñendose en perigo outras, tanto das que son obxeto de pesca, como das que non”, e relacionouno con “o descenso das distintas frotas con valores de entre o 50 e do 75% en termos xerais”. Rogelio Santos tamén indicou que “hai que investir máis naqueles aspectos que podemos controlar sen escusas, e que aínda no se esta facendo, como que todo o que se verta ao mar estea previamente depurado, ou adicar maiores partidas orzamentarias ao estudo do estado do mar e dos seus problemas, achegando solucións fiables dende a comunidade científica”. Por último, tamén se chamou a atención sobre a incidencia na saúde pública desta contaminación e a aparición de enfermidades graves nestas zonas.

Abrir os ollos ao cambio climático.

As xornadas tamén contaron cunha mesa inaugural na que participaron cargos públicos de Podemos como a eurodeputada Estefanía Torres, o deputado no congreso Alberto Rodríguez ou o deputado autonómico galego e secretario de Organización de Podemos Galicia Juan Merlo e expertos como o doutor en bioloxía molecular e colaborador de Podemos en Galicia, David Crespo, e na que ademáis de abordar propostas e medidas púxose de manifesto, por exemplo, que España ten sobre a mesa unha multa da Unión Europea de 46 millóns de euros por vertidos incontrolados.

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies